Բանալի բառեր. սրտի ուռուցքներ, միքսոմա, ձախ նախասրտային միքսոմա

2005 օգոստոսի 24-ին Էրեբունի Բժշկական Կենտրոն դիմեց 44 տարեկան տղամարդ, որը գանգատվում էր հևոցից, սրտխփոցից, թուլությունից:

Կատարվեցին հետևյալ հետազոտությունները.­­­­­­

ԷՍԳ` նախասրտերի շողացում, 94 զ/ր միջին փորոքային ռիթմով, ԷխոՍԳ` ձախնախասրտում 7,2x3,9սմ չափի գնդաձև նորագոյացություն, որը ոտիկի միջոցովամրանում էր միջնախասրտային միջնապատին: Նկատվում էր նաևսիստոլա-դիաստոլիկ շարժում դեպի ձախ փորոք` միթրալ փականի միջով (նկ. 1,2):­ ­­­ ­­­­­ ­

Նկ. 2 Էխոսրտագրություն (քառախոռոչ պատկեր). միքսոման միտրալ փականի մեջ

Վերել աորտան` 3,3սմ, ձախ նախասիրտը ա/հ` 6,2սմ, ձախ փորոքի դիաստոլիկծավալը` 166 մլ, ձախ փորոքի սիստոլիկ ծավալը` 93մլ, արտամղման ֆրակցիան` 44%: Դոպլեր հետազոտության ժամանակ հայտնաբերվեց միթրալ փականի 1+ ևեռփեղկ փականի 1+ անբավարարություն:­ ­

Ռենտգենագրաֆիա` կանգ արյան շրջանառության փոքր շրջանում, 0,1-0,2լ չափովհեղուկի առկայություն աջ պլևրալ սինուսում: Թոքարմատների պատկերի մգացում խրոնիկական բրոնխիտի տիպով: Սիրտը չափերով մեծացած է:­­ ­­

Լաբորատոր հետազոտություններ` առանց առանձնահատկության:

Նախնական ախտորոշում` ձախ նախասրտի նորագոյացություն (միքսոմա?), միթրալփականի անբավարարություն 1+, եռփեղկ փականի անբավարարություն 1+:­

Հիվանդը հոսպիտալացվել է, 3 օր ստացել է միզամուղ և հակաառիթմիկ բուժում, որի ֆոնի վրա կլինիկական ախտանիշները նվազել են: Կատարվել է կորոնարոգրաֆիա (26.08.05), որի արդյունքում կորոնար հիվանդություն չի հայտնաբերվել:

­­

27.08.05 կատարվեց վիրահատություն:­­

Կրծքավանդակը բացվեց միջին ստերնոտոմիաի միջոցով: Աորտան, վերին և ստորին սիներակները կանյուլյացվեցին և հիվանդը միացվեց արյան արհեստական շրջանառության ապարատին: Ձախ նախասրտի խոռոչը բացվեց և կատարվեց նորագոյացության ռևիզիա: Այն իրենից ներկայացնում էր ձվաձև գոյացություն, որը ոտիկի միջոցով կպած էր միջնախասրտային միջնապատին օվալ պատուհանի վերին լիմբիշրջանում: Բացվեց աջ նախասիրտի խոռոչը և կատարվեց միջնախասրտային միջնապատի օվալ պատուհանի վերին լիմբի մասնահատում, այնպես որպեսզի նորագոյացության ամրացման հատվածը մնա առաջացող միջնապատային լաթի (1,5x1,5սմ) կենտրոնում: Ձախ նախասրտի կողմից հեռացվեց նորագոյացությունը (7x6սմ) և ուղարկվեց հյուսվածքաբանական հետազոտության (նկ. 3):­­

­­­ ­­­­­ ­­­­­­­­

Նկ. 3 Միքսոմա, իրական տեսքը

Սառը ֆիզիոլոգիական լուծույթի միջոցով կատարվեց ձախ նախասրտի և ձախ փորոքի լվացում` հյուսվածքային էմբոլիայի պրոֆիլակտիկայի նպատակով: 4-0 պրոլենով պարուրաձև կարվեց միջնախասրտային միջնապատի առաջացածդեֆեկտը, այնուհետև կարվեցին ձախ և աջ նախասրտային կտրվածքները: Ներարկիչի միջոցով կատարվեց սրտի գագաթի պուկնկցիա` օդային էմբոլիայի պրոֆիլակտիկայի նպատակով: Սրտի խոռոչները լցվեցին արյունով:

Սրտի աշխատանքը վերականգնվեց դեֆիբրիլյացիայի միջոցով (30Ջ), իսկ սինուսային ռիթմը վերականգնվեց էլեկտրական կարդիովերսիայի միջոցով (30Ջ): Հիվանդը անջատվեց արյան արհեստական շրջանառությունից և կրծքավանդակը փակվեց պատշաճ հեմոստազից հետո, թողնելով միջնորմի և աջ պլևրայի դրենաժներ: Առանց ինոտրոպ դեղորայքի հիվանդը տեղափոխվեց վերակենդանացման բաժանմունք, որտեղ և էքստուբացվեց 6 ժամ անց: Հետվիրահատական շրջանը անցավ առանց բարդությունների և 5 օր անց հիվանդը դուրս գրվեց: ­­­­­­­ ­­­­­­ ­­ ­­ ­­­­­­ ­­­

Հյուսվածքաբանական հետազոտությունը հաստատեց ֆիբրոմիքսոմայի առկայությունը:­­­